ក្រុមហ៊ុន Acer នឹងបន្ទាន់សម័យប្រព័ន្ធប្រតិបត្តិការទៅកាន់ Windows 10 សំរាប់ទូរស័ព្ទតម្លៃទាប

Acer Liquid M220 (Credit: PCWorld)

( PCWorld ) - ក្រុមហ៊ុន Acer ទទួលបានការចាប់ផ្តើមមុនគេនៅលើប្រព័ន្ធប្រតិបត្តិការ Windows 10។ ក្រុមហ៊ុនគ្រោងបញ្ចេញទូរស័ព្ទស្មាតហ្វូនថ្មីៗទៀត ដោយភ្ជាប់ជាមួយប្រព័ន្ធប្រតិបត្តិការ Windows Phone 8.1 ប៉ុន្តែក៏បានសន្យាថានឹងធ្វើឲ្យកាន់តែប្រសើរឡើងចំពោះប្រព័ន្ធប្រតិបត្តិការទាំងនោះនៅចុងឆ្នាំនេះ។
ទូរស័ព្ទ Liquid M220 មានតម្លៃចាប់ពី 79€ (89 ដុល្លារអាមេរិក) គ្រោងដាក់លក់នៅអឺរ៉ុប មជ្ឈិមបូព៌ា និងអាហ្វ្រិក។ ក្រុមហ៊ុននៅមិនទាន់ហ៊ានបញ្ជាក់ភ្លាមទេថា តើនឹងដាក់លក់នៅអាមេរិកឬអត់ ? M220 មានអេក្រង់ 4-inch ស្រដៀងនឹងទូរស័ព្ទ Windows តម្លៃទាបផ្សេងទៀត ដូចជា Lumia 435 និង Lumia 512។ វាមានកាមេរ៉ាក្រោយ 5-megapixel, កាមេរ៉ាមុខ 2-megapixel ភ្ជាប់ជាមួយកម្មវិធីជាច្រើនរបស់ក្រុមហ៊ុន Microsoft រួមទាំង Cortana និង OneDrive។
ចំណែកស្មាតហ្វូនដែលស្គាល់ 3G-HSPA+ មិនមានប្រព័ន្ធ LTE ទេ ដូចគ្នាទៅនឹងទូរស័ព្ទតម្លៃទាបផ្សេងទៀតដែរ ប៉ុន្តែមានលក្ខណៈពិសេសផ្សេងរួមមាន dual-core processor, អង្គចងចាំ 4GB, RAM 512MB និងប្រើបានស៊ីមពីរ។

Acer Jade Z (Credit: PCWorld)

សំរាប់ការដាក់លក់នៅក្នុងខែមីនានេះផងដែរ Liquid Z220 នឹងមានតំលៃចាប់ពី 89€ ហើយវាមានលក្ខណៈពិសេសមួយចំនួនស្រដៀងនឹងស្មាតហ្វូន Moto E ជំនាន់ទីពីររបស់ក្រុមហ៊ុន Lenovo។ វាមានអេក្រង់ 4-inch, អង្គចងចាំ 8GB, ប្រើស៊ីមពីរ, កាមេរ៉ាក្រោយ 5-megapixel, កាមេរ៉ាមុខ 2-megapixel, ដំណើរការ Dual-core ប្រភេទ Qualcomm Snapdragon 400 និងប្រព័ន្ធប្រតិបត្តិការ Android 5.0 ដែលគេស្គាល់ថាជា lollipops។ Acer ក៏បានណែនាំប្រភេទ Liquid Z520 មានកាមេរ៉ា 8-megapixel មានតំលៃចាប់ពី 109€។ ក្រុមហ៊ុន Acer ធានាថានឹងធ្វើឱ្យប្រសើរឡើងសំរាប់ប្រព័ន្ធប្រតិបត្តិការ Windows 10 ដែលទូរស័ព្ទ Windows ផ្សេងទៀតមិនអាចធ្វើបាន។ ទន្ទឹមនឹងនោះ ក្រុមហ៊ុនក៏បានប្រកាសស្មាតហ្វូន Jade Z ដំណើរការដោយប្រព័ន្ធ Android មានតំលៃចាប់ពី 199€, ប្រព័ន្ធ LTE, អេក្រង់ 5-inch, កញ្ចក់ប្រភេទ Gorilla Glass, ប្រភេទ MediaTek 64-Bit processor, កាមេរ៉ាក្រោយ 13-megapixel, កំរាស់ 7.9ml, ទំងន់ 110g ដែលគ្រោងនឹងដាក់លក់នៅអឺរ៉ុបក្នុងខែមីនានេះផងដែរ។
ស្មាតហ្វូនថ្មីទាំងអស់នឹងត្រូវបានភ្ជាប់មកជាមួយនូវកម្មវិធីតាមដានថ្មី Liquid Leap+ របស់ក្រុមហ៊ុន Acer ដែលពាក់នៅកដៃ។ ប្រព័ន្ធប្រតិបត្តិការ OS-agnostic អាចធ្វើការជាមួយនឹងឧបករណ៍ដែលកំពុងដំណើរការប្រព័ន្ធប្រតិបត្តិការ Android, Windows និង iOS តាមរយៈ Acer Leap Manager app។ កម្មវិធីតាមដាននេះមានអេក្រង់ប្រភេទ OLED ទំហំ 1-inch និងធ្វើការត្រួតពិនិត្យរាល់សកម្មភាពជាមូលដ្ឋានផ្សេងទៀត។ វាក៏អាចទទួលអ៊ីម៉ែល ប្រតិទិន និងការជូនដំណឹង SMS ជាអក្សរតាមរយៈស្មាតហ្វូន។ ឧបករណ៍នេះនឹងចាប់ផ្តើមលក់នៅ EMEA ក្នុងខែមីនាក្នុងតំលៃ 79€៕

Jillur Rahman

I'm Jillur Rahman. A full time web designer. I enjoy to make modern template. I love create blogger template and write about web design, blogger. Now I'm working with Themeforest. You can buy our templates from Themeforest.

Website: http://masala-jr.blogspot.com/

ក្រុមហ៊ុន Acer នឹង​បន្ទាន់​សម័យ​ប្រព័ន្ធ​ប្រតិបត្តិការ​ទៅ​កាន់ Windows 10 សំរាប់​ទូរស័ព្ទ​តម្លៃ​ទាប

Share This:

Jillur Rahman

Social Links:

ក្រុមហ៊ុន Acer នឹងបន្ទាន់សម័យប្រព័ន្ធប្រតិបត្តិការទៅកាន់ Windows 10 សំរាប់ទូរស័ព្ទតម្លៃទាប